Shkup, 26 shkurt 2011, NOA- Hetimet për rrëzimin e avionit “Kinger” të presidentit të ndjerë Boris Trajkovski akoma nuk kanë përfunduar, paralajmëroi sot presidenti aktual Gjorgje Ivanov në shënimin e shtatë vjetorit të humbjes së jetës të ish-presidentit Trajkovski.
Sipas tij, komisioni i posaçëm qeveritar i përbërë nga përfaqësues të institucioneve relevante po punon në grumbullimin e informacioneve të lidhur me fatkeqësinë ajrore që ndodhi më 26 shkurt të vitit 2004 në Rotmilje në afërsi të Mostarit në Bosnjë-Hercegovinë.
“Hetimet nuk kanë përfunduar. Ka një komision që po mbledhë të gjitha dokumentacionet e mundshme, dhe po bashkëpunon me të gjitha faktorët. Komisioni duhet të flas dhe koordinohet edhe me përgjegjësit në Bosnjë, pasi që ashtu siç jam në rrjedhë nuk kanë përfunduar të gjitha shqyrtimet e të gjitha dokumenteve”, theksoi Ivanov.
Në fatkeqësinë ajrore përveç presidentit humbën jetën edhe 8 bashkëpunëtorë të tij dhe pilotët.
(INA)/ NOA
