E martë, 1 mars 2011, NOA- Rusia dhe qeveria e saj, ka bërë thirrje që dialogu Kosovë-Serbi të fillojë sa më shpejt.
“Ka ardhur koha për t’u ulur rreth tryezës së bisedimeve dhe të bisedohet. Shpresoj se kjo do të ndodhë së shpejti”, ka thënë kryediplomati rus Sergei Lavrov.
Deklaratën e tij ai e bëri gjatë pjesëmarrjes në Konferencën për çarmatim në Gjenevë.
Tashmë janë përcaktuar edhe negociatorët nga të dyja palët, Serbia do të përfaqësohet nga Borisllav Stefanoviç ndërsa Kosova nga Edita Tahiri, ndërkaq pritet që në javët në vijim të nisin negociatat.
a.y/NOA
