Warning: file_get_contents(): SSL operation failed with code 1. OpenSSL Error messages: error:1416F086:SSL routines:tls_process_server_certificate:certificate verify failed in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(): Failed to enable crypto in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(https://www.njoftime.net/service/xml-last-ads/): failed to open stream: operation failed in /var/www/vhosts/lajme.gen.al/httpdocs/v2/site/controllers/genel.php on line 1153
Berisha- Newman: Shqipëria, rol pozitiv në rajon
English

Berisha- Newman: Shqipëria, rol pozitiv në rajon

Tiranë, 3 mars, NOA – Ambasadori i Australisë, Jeremy Roger Newman ka vlerësuar, gjatë një takimi të zhvilluar me kryeministrin Sali Berisha, rolin e Shqipërisë në rajon dhe angazhimin e saj në projektet e NATO-s.

Ambasadori Newman vlerësoi arritjet e jashtëzakonshme të vendit gjatë kësaj periudhe, si anëtarësimin në NATO, liberalizimin e vizave, zhvillimin e qëndrueshëm dhe rritjen spektakolare ekonomike të Shqipërisë, në dallim nga trendi ndërkombëtar, të cilat u bënë të mundura nga reformat e thella dhe të gjithanshme të qeverisë shqiptare.

Ndër të tjera, ambasadori australian vlerësoi kontributin e rëndësishëm të Shqipërisë, në shërbim të paqes dhe sigurisë ndërkombëtare, në veçanti në Afganistan, por edhe rolin konstruktiv e të rëndësishëm, në shërbim të paqes, stabilitetit, e sigurisë në rajon.

Takimi i diplomatit australian me seli në Athinë, i cili mbulonte dhe vendin tonë, u bë me rastin e përfundimit të misionit të tij

Pasi i uroi përzemërsisht mirëseardhjen, Kryeministri Berisha e falënderoi zotin Newman për kontributin që ai ka dhënë gjatë kësaj periudhe për forcimin e marrëdhënieve mes dy vendeve, duke u shprehur se me mbarimin e misionit të tij, largohet si një mik i Shqipërisë dhe se është gjithnjë i mirëpritur në vendin tonë.

Nga ana e tij, Ambasadori Australian Newman e falënderoi kryeministrin Berisha për pritjen e ngrohtë dhe miqësore dhe për bashkëpunimin shumë të mirë që ka patur me qeverinë shqiptare gjatë gjithë kësaj periudhe.

Gjatë këtij takimi ambasadori i përcolli kryeministrit Berisha përshëndetjet e përzemërta, Kryeministres australiane, Julia Gillard.

a.k/NOA

KOMENTE