Tokio, 16 mars, NOA – Pasi ka treguar mjaft durim dhe maturi në përballimin e emergjencës së krijuar nga tërmeti dhe tsunami i javës së kaluar, duket se Japonia është dorëzuar dhe kërkon tashmë ndihmë nga shtetet e fuqishme të botës.
Kështu, qeveria japoneze i ka kërkuar ndihmë Bashkimit Evropian për situatën e krijuar pas viktimave të shumta që krijoi tërmeti dhe tsunami.
Nga ana e tij, presidenti i Komisionit të BE-së José Manuel Barroso, tha se bëhet fjalë për ndihmë materiale si batanije, dyshekë dhe fuçi të mëdha uji.
Nga ana tjetër, bëhet me dije se Japonia ka kërkuar edhe ndihmën e Shteteve të Bashkuara të Amerikës për sigurinë në centralet nukleare.
n.e/NOA
