Lezhë, 25 mars, NOA – Një murgeshë ka humbur jetën dhe një tjetër është plagosur rëndë, ka qenë bilanci i një aksidenti tragjik që ka ndodhur paraditen e sotme në aksin rrugor Lezhë-Shkodër.
Ai bëhet me dije paraprakisht nga burime të policisë së Lezhës, për agjencinë e Lajmeve NOA, duke konfirmuar se viktima mban emrin Rinta Fisi, 75 vjeç dhe është shtetase italiane.
Ndërsa e plagosura është murgesha shqiptare me emrin Alma Zogu, 25 vjeç.
Ngjarja e rëndë ka ndodhur në vendin e quajtur “Kryqëzimi i Kakarriqit” ku makina me të cilën udhëtonin dy murgeshat është përplasur me një automjet tjetër.
Policia ka shkuar në vendngjarje dhe ka nisur hetimet për zbardhjen e plotë e shkaqeve të aksidentit ... (vijon)
n.e/NOA
