Tiranë, 20 maj 2011, NOA- Pas ndërprerjes prej afro dy orësh Komisioni Qendror i Zgjedhjeve ka filluar sërish punën për shqyrtimin e fletëve të gjetura në kutitë e gabuara për kryetarin e bashkisë së Tiranës.
Deri më tani janë hapur 75 kuti votimi, ku për kandidatin Lulzim Basha janë vlerësuar 125 vota ndërsa 53 të tilla për kandidatin e opozitës Edi Rama.
Nga ana e socialistëve vijon kontestimi për këto rezultate, pasi sipas tyre po deformohet vullneti i qytetarëve.
Sakaq gjatë ditës së sotme nga ana e Partis Socialiste u depozitua edhe një padi në Kolegjin Zgjedhor kundrejt Komisionit Qendror të Zgjedhjeve, për mos shpalljen e rezultatit për garën e Tiranës.
Lidhur me këto fleta të kontestuara dhe me mosshpalljen e rezultatit preh disa ditësh ky komision qëndron i rrethuar nga forca të shumta policore të cilat ruajnë institucionin, pas tentativave të deputetëve socialist dhe militantëve të saj për të hyrë brenda tij.
a.y/NOA
