Warning: file_get_contents(): SSL operation failed with code 1. OpenSSL Error messages: error:1416F086:SSL routines:tls_process_server_certificate:certificate verify failed in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(): Failed to enable crypto in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(https://www.njoftime.net/service/xml-last-ads/): failed to open stream: operation failed in /var/www/vhosts/lajme.gen.al/httpdocs/v2/site/controllers/genel.php on line 1153
Gjykata e Lartë e shpall Mediun të pandehur për të tretën herë
English

Gjykata e Lartë e shpall Mediun të pandehur për të tretën herë

Tiranë, 23 maj 2011, NOA- Qendra Res Publica dhe Shoqata e Viktimave te Shpërthimit të Gërdecit, mbështetur nga Fondacioni Shoqëria e Hapur për Shqipërinë “Soros’, pas depozitimit në Gjykatën e Lartë të kërkesë padisë kundër ministrit Fatmir Mediu, e ka shpallur këtë të fundit si të pandehur.

Nëpërmjet një komunikate për mediat, shoqatat e mësipërme deklarojnë se, akuzat kundër tij, vijnë për veprën penale të plagosjes së rëndë nga pakujdesia ndaj shtetasit Zyber Lela.

Gjatë seancës së ditës së sotme Gjykata e Lartë doli me vendimin për të kaluar në fazën e hetimit gjyqësor duke thirrur si të pandehur Fatmir Mediun.

Kjo padi është çështja e tretë që paraqitet për gjykim në Gjykatën e Lartë ndaj ish Ministrit të Mbrojtjes, Fatmir Mediu lidhur me ngjarjen e ndodhur në Gërdec në 15 mars të vitit 2008.

Qendra Res Publica dhe Shoqata e Viktimave të Shpërthimit të Gërdecit, qëndrojnë në pritje të kërkesës së Gjykatës së Lartë drejtuar Parlamentit të Shqipërisë për të mundësuar heqjen e imunitetit të deputetit Fatmir Mediu, veprim ky që do t’i hapte rrugë hetimit dhe gjykimit të tij në Gjykatën e Lartë.

a.y/NOA

KOMENTE