Gani Qarri
Edhe pse kaloi pothuajse një vit, dhe rasti i tij është i pari që është kthyer në
rigjykim, Ramush Haradinaj, edhe sot e kësaj dite,po mbahet pa të drejtë në burgun e
Hagës. Madje, me gjithë tejkalimin e çdo afati ligjor, për mbajtjen në burg, pa
gjykim, ai atje mbahet disi në mënyrë misterioze, pa asnjë sqarim zyrtar për
opinionin, pa kurrfarë arsyetimi ligjor e juridik, dhe pa as një datë të përcaktuar,
për mbajtjen e rigjykimit të tij.
Përkundër të gjitha këtyre paqartësive, zëdhënësja e Tribunalit të Hagës, Nerma
Jellaçiq, edhe pas një viti të mbajtjes së tij të pa drejtë në Hagë edhe sot e kësaj
dite të pa arsyetuar ligjërisht, ajo thotë se edhe më tutje ?!... Nuk mund të
përcaktohen afate, për fillimin e rigjykimit ngase sipas saj çdo gjë u varka nga
vendimi i Dhomës së Apelit edhe pse ka kaluar çdo afat ligjor e juridik për
përcaktimin e procedurave të gjykimit,për çka edhe do duhej të lirohej për mungesë
provash.
Kryetari i AAK-s dhe ish-kryeministri i Kosovës, Ramush Haradinaj, pa të drejtë, dhe
pa asnjë njoftim publik, pa arsyetim juridik,dhe pa përcaktim date për rigjykimin e
tij përkundër të gjitha normave të së drejtës ndërkombëtare,duke shkel me të dy
këmbët edhe të drejtat dhe lirit e tij njerëzore ai edhe më tej, mbahet pa asnjë
sqarim para opinionit kombëtar e ndërkombëtar, në burgun e Hagës.
Më në fund,sipas deklaratave të Avokatit të tij mbrojtës, Michael O’Reilly , sikur
duket një dritë në fund të tunelit edhe për Ramush Haradinajn, ku për Radio
Dukagjinin,ai thotë se shpreson që brenda kësaj jave mund të merret vendimi mbi
numrin e dëshmitarëve që do paraqiten në gjykim, i cili gjoja na qenka "shkaku i
vetëm" për mos fillimin e deritanishëm të rigjykimit.
Pse shtyhet kaq gjatë, mospërcaktimi i numrit të dëshmitarëve pasi që ky na qenka
shkaku i shtyrjes së fillimit të procesit gjyqësor, a mund të jetë arsyetim bindës
dhe i mjaftueshëm "fakti" se pala mbrojtëse kërkuaka që në rigjykimin e Haradinajt
të pyeten dëshmitarët e pa pyetur deri më tani,kurse prokuroria insistuaka për
thirrjen edhe të dëshmitarëve të cilët kanë dëshmuar me rastin e gjykimit të parë, ani pse Ramush Haradinaj, atë kohë ishte liruar si i pafajshëm?!
Sa vite i duhen Gjykatës së Hagës të vendos për numrin e dëshmitarëve, dhe poashtu
sa kohë ka të drejtë ajo ta mbaj të pa gjykuar, në burgun e Hagës Ramush
Haradinajn?!
A ka kush interesohet për Ramushin,të pyes për fatin e tij dhe të insistoj për
zbardhjen e së vërtetës se për se dhe për sa kohë mund të mbahet ai në këtë mënyrë i
burgosur?!
Ç`është kjo mënyrë kaq misterioze e mbajtjes së tij në burgun e Hagës,pse duke mos
pasur shkaqe të tjera më serioze, shtyhet me qëllim, marrja e vendimit mbi numrin e
dëshmitarëve,vetëm e vetëm që të mos fillojnë seancat gjyqësore dhe Ramushi, në këtë
mënyrë të mbahet sa më gjatë i mbyllur në Tribunalin e Hagës?!
Apo janë të vetëdijshëm ata se nëse gjykimi fillon në mes të qershorit,siç shpreson
Avokati i tij, ai kësaj radhe, një herë e përgjithmonë do t’i përfundojë sqarimet me
Tribunalin e Hagës, pasi që tanimë edhe botërisht dihet se Ramush Haradinaj, është i
pari dhe i vetmi deri më tani,që është rikthyer për rigjykim, dhe përkundër mungesës
së fakteve, mbahet pa të drejtë dhe pa asnjë sqarim për opinion, në burgun e Hagës.
Si qeveria ashtu edhe juristët shqiptar (të cilët sikur nuk ekzistojnë) kurrë nuk e
ngritën zërin në mënyrë të organizuar për mbrojtjen e interesave të Kosovës dhe
njerëzve të devotshëm të saj, e në këtë rast as për mbrojtjen e ish-Kryeministrit të
vendit, madje ata as nuk kërkuan ndonjëherë në mënyrë publike, lirimin apo të paktën
rigjykimin e Ramush Haradinajt, edhe pas një viti të mbajtjes së tij pa asnjë sqarim
në Tribunalin e Hagës.
Mjerisht në jetën e vrazhdët të kësaj bote,krijohet përshtypja se nuk ka drejtësi
për të gjithë, ngase derisa kriminelët serb shëtisin të lirë dhe bëjnë ligjin në
veriun e Kosovës, Ramushi mbahet padrejtësisht në burgun e Hagës së politizuar.
Ndaj, i vetmi ngushëllim na ka mbetur të shpresojmë se Historia jonë, të paktën
ajo, nuk do ta harrojë kontributin e tij dhe flijimet e familjarëve të Ramush
Haradinajt për çështjen kombëtare, i cili do ta kalojë me sukses edhe këtë sfidë dhe
T’i kthehet familjes dhe Kosovës së tij, fitimtar!
*Zyrih, 24 maj 2011
