E martë, 24 maj 2011, NOA- Edhe më tej qytetarët e Maqedonisë do të vijojnë të lëvizin pa viza drejt Bashkimit Europian, ky fakt u komunikua nga euro-komisionerja Sesila Malstrom.
“Masat të cilat i ndërmori qeveria e Maqedonisë, rezultuan të suksesshme dhe në periudhën e fundit është vërejtur një përmirësim dhe zvogëlim i numrit të azilkërkuesve”, deklaroi Malstorom.
Ndërkaq Komisioni Evropian nuk miratoi sot propozimin për vendosjen e pezullimit të vizave për Maqedoninë dhe vende tjera të Ballkanit Perëndimor.
E gjithë kjo situatë u krijua pas valës së azil-kërkuesve në disa vende të Bashkimit Europian.
Ministria e Punëve të Brendshme në Maqedoni ka forcuar kontrollet në pikat kufitare, pas alarmit nga Komisioni Evropian për rikthimin e regjimit të vizave.
Pikërisht për këtë fakt qeveria e Maqedonisë ka propozuar ndryshime të Kodit Penal, me të cilin keqpërdoruesit e liberalizimit të vizave do të dënohet me burg nga 4 deri në 8 vite dhe gjoba me para deri në 500 mijë euro.
a.y/NOA
