Kavajë, 1 qershor 2011, NOA- Mbrëmjen e djeshme kryebashkiakut të sapozgjedhur të Kavajës, Elvis Roshi, i është rrëmbyer gruaja 28 vjeçare.
Griselda Roshi e moshës 28 vjeçare, është liruar vetëm ditën e sotme në orët e para të mëngjesit, ku mësohet se nga tronditja ka humbur edhe fëmijën që priste.
28 vjeçarja Roshi e cila ishte shtatëzënë, pasi është liruar ka dëshmuar në polici duke thënë se, nuk ka mundur të identifikojë autorët e rrëmbimit, kjo edhe prej shokut të pësuara nga humbja e fëmijës që priste të sillte në jetë gjatë kohës që ishte e rrëmbyer.
Të dhënat paraprake flasin se Griselda Roshi ka bërë lindje të detyruar, ndërsa nuk dihet ende asnjë gjë për fatin e foshnjës, ndërsa mendohet të ketë humbur jetën gjatë lindjes.
28 vjeçarja ishte në muajt e fundit të shtatëzanisë, dhe si pasojë e traumës së pësuar nuk ka mundur të thotë asgjë.
Sapo ka mësuar lajmin, Elvis Roshi, kryetari i Bashkisë së Kavajës, i dalë nga Partia Socialiste është kthyer menjëherë nga Italia, pasi prej pak ditësh ndodhej atje.
Ndërkaq pas denoncimit për rrëmbim, Prokuroria e Krimeve të Rënda mësohet të ketë marrë në dorë çështjen për të hedhur më shumë dritë rreth saj dhe zbulimit të autorëve.
a.y/NOA
