Shkodër, 19 qershor 2011, NOA- Policia e Shkodrës ka bërë të mundur arrestimin e tre hajdutëve si dhe ka shpallur në kërkim një tjetër.
Ndalimi i tyre u bë pasi gjatë ditës së djeshme në bashkëpunim me njeri tjetrin kanë vjedhur servilin e shtetasit L.Gj, i cili ka bërë edhe denoncimin në polici.
Burime zyrtare nga policia e Shkodrës bëjnë me dije se, të ndaluarit janë identifikuar si Arben Gilaj 20 vjeç, i dënuar më parë për veprën penale të “vjedhjes”, Nikoll Ndrevataj 18 vjeç si dhe 16 vjeçari me iniciale F. R vjeç, të tre banues në lagjen “Tre Heronjtë” të Shkodrës.
Nga ana e policisë u shpall në kërkim edhe hajduti i katërt, 18 vjeçari Pashk Kurti.
Sakaq në cilësinë e provës materiale u sekuestruan materialet e vjedhura nga servisi si dhe shuma prej 10.000 lekësh te reja.
a.y/NOA
