E premte, 15 korrik 2011, NOA- Mund të ishin çifti i verës, por nuk do të jetë kështu.
Fotot në plazh të Michelle Hunziker me truprojën e saj Feredico, dukeshin si të shkrepura enkas për të mbushur artikujt rozë të mediave.
Por... Michelle Hunziker ka pushuar nga puna badigardin e saj, për shkak të një tatuazhi i cili është interpretuar si një stemë naziste në krahun e 26 vjeçarit.
Është pikasur fillimisht nga gjermania “Bild”, e cila kishte publikuar së fundmi fotot e pushimeve mes të dyve.
Aq shumë kanë goditur ato sa që një lexues i është drejtuar gazetës gjermane duke shpjeguar se kishte identifikuar gjurmë neonaziste në krahun e badigardit.
Nën akuzë përfundoi pika e bardhë (White Power), në pjesën e sipërme të krahut të djathtë, të së cilit ishte një shenjë e qartë e së djathtës ekstremiste naziste dhe se poshtë tatuazhit ishte shkruar “Intolleranza”, emri i një grupi italian neonazist.
Pas kësaj reagimi i Hunzinker ishte i menjëhershëm, “Unë dhe familja ime jemi nën shok, Federico punon për mua prej dy vjetësh. Deri pak më parë e kisha parë atë me këmishë dhe pantallona të gjata, nuk e dija as që kishte aq shumë tatuazhe, për më tepër nuk i kam parë as me vëmendje”.
Më tej ajo ka shtuar se nuk ka të bëjë fare me neonazistët.
a.y/NOA
