Kabul, 17 korrik 2011, NOA – Pas vrasjes të martën e shkuar të vëllait të presidentit afgan Hamid Karzai, sonte është vrarë edhe këshilltari i presidentit, Jan Mohammad Khan.
Khan, ish-guvernatori i provincës së Uruzgan në Afganistan, u vra nga një grup talebanësh që arritën të mësyjnë në banesën e tij, thonë mediat e huaja.
Burime nga policia bënë me dije se edhe Khan ishte një person shumë i afërt i presidentit Karzai, dhe ai u vra në të njëjtën mënyrë si i vëllai i tij, Ahmad Walid Karzai.
Në aksionin e talebanëve mbetën të vrarë edhe dy truprojat e këshilltarit të presidentit, Jan Mohammad Khan.
mit/NOA
