Fier, 19 korrik 2011, NOA - Rreth 100 persona bllokuan plotësisht aksin rrugor Fier- Seman, me pretendimin se ndërmarrja elektrike CEZ u kishte prerë energjinë elektrike prej disa ditësh.
Ngjarja ndodhi pasditen e të hënës rreth orës 15.45, në rrugën nacionale, Fier – Seman dhe konkretisht në fshatin Dermenas.
Policia e Fierit ndërhyri në kohë për të qetësuar banorët dhe për ruajtjen e rendit dhe qetësisë publike duke parandaluar goditjen në kohë të ndonjë veprimtarie kriminale të mundshme.
Pas nogociimit të policisë rreth orës 18.00, banorët e kësaj zone u shpërndanë qetësisht e pa probleme, dhe situata në këtë aks rrugor erdhi drejt normalizimit.
Policia tha se gjatë kësaj kohe nuk u konstatuan konflikte dhe situata e rendit publik paraqitet e qete dhe pa probleme.
Prokuroria e Fierit do të ndjekë penalisht disa prej banorëve me akuzat e organizimit dhe pjesëmarrjes në grumbullime e manifestime të paligjshme, pengim të qarkullimit të mjeteve të transportit dhe prishje të qetësisë publike.
mit/NOA
