Gjirokastër, 24 korrik 2011 NOA – Dropulli i Poshtëm po kërcënohet nga zjarre të mëdha në disa zona të tij. Raportohet nga burime zyrtare se, vatrat u aktivizuan gjatë mbrëmjes së të shtunës, por era e fortë ka bërë që zjarri të marrë përmasa të mëdha dukë rrezikuar 5 fshatra.
Për shuarjen e këtij zjarri, janë mobilizuar 3 zjarrëfikëse dhe shumë forca policie. Zjarri është larguar nga banesat e banorëve të këtyre fshatrave, por po përhapet në pyjet pranë zonës. Ende nuk dihet shkaku i kësaj zjarrëvenie. Ndërkohë, policia ka nisur hetimet për shkaqet e zjarreve të rrezikshëm.
a.q/NOA
