E shtunë, 30 korrik 2011, NOA- Një ngjarje e pazakontë ka për protagonistë një familje nga Fushë Kosova ku dy prindër janë arrestuar nga policia për shfrytëzimin dhe trafikimin e vajzës së tyre.
Burime zyrtare nga policia e Kosovës thonë për agjencinë e lajmeve NOA, se dy prindër kosovar janë arrestuar për shkak të dyshimit të bazuar se ata kanë trafikuar vajzën e tyre e cila ishte raportuar dhe denoncuar si e zhdukur.
Ndërsa babai i viktimës është mbajtur në ambientet e policisë ndërsa nëna e saj po hetohet e lirë.
Prindërit e pazakontë nuk kanë pranuar të rrëfejnë asgjë lidhur me fatin e vajzës së tyre, ndërsa nga ana e policisë po punohet për gjetjen e vendndodhjes së saj.
Sakaq pavarësisht të dhënave të siguruara nga ana e policisë për implikimin e tyre, burrë e grua nuk kanë pranuar të kenë kryer një akt të tillë.
a.y/NOA
