Tiranë, 4 gusht 2011, NOA - Në këtë hapësirë gjendet një pasqyrë e titujve të gazetave në Tiranë, për ditën e enjte, 4 gusht 2011.
Gazeta “Panorama” ka si titull kryesor: “Mungojnë fondet, Bashkia e Tiranës me arkën e boshatisur, rrezikohen pagat”. Argumente të tjerë të faqes së parë janë: “Protesta, hiqet emri i Nikollë Lesit, zv/ministri incident me kinezët”; “Braçe kundër Majkos për Presidentin: PS nuk e ka marrë seriozisht ndryshimin e Kushtetutës”; “Regjisori hollivudian Frencis Ford Kopola në fund të gushtit vjen në Shqipëri”.
E përditshmja “Shqip” çelet me titullin kryesor: “PS: Votëbesim krerët e qyteteve”. Tituj të tjerë në brendësi në vijim të faqes së parë: “Kina premton heqjen e vizave, incident protokollar para vizitës së ministrit të Jashtëm kinez”; “Minatorë dhe metalurgë nga rrethet drejt Bulqizës”; “Policëve u mbahen paratë nga pagat”.
Gazeta “Koha Jonë” hapet me titullin kryesor: “Pensionet, llogaritja e re për 16 vitet e fundit”. Argumente të tjerë: “Viktor Gumi: Jo ndryshime kushtetuese për të sjellë kriza të reja në vend”; “Berisha: Mbajtëm premtimin, 4 miliard dollarë në 5 vjet”; “Basha investitorëve: Vlerësoni drejt pronën private”; ndërsa në suplementin summer times veçojmë titullin “Seksi dhe të mirat e marrëdhënies intime”.
Gazeta “Shekulli” ka si argument kryesor: “Greva e urisë, minatorët: Do fikim pompat, dy nga ne do mbyten bashkë me galerinë”. Më tej në faqen e parë veçojmë titujt: “Penalizohet pronari i diskos në Dhërmi, ngriti zërin kur po flinte kryeministri”; “Durrës, hiqen nudot që zemëruan muslimanët”; “Dossier, dëshmitë e punonjësve: Ja kush e shkatërroi URT-në”.
“Gazeta Shqiptare” hapet me titullin: “Dritan Prifti: Dua paqe me Ilir Metën”. Tituj të tjerë veçojmë: Enver Hoxha kishte dorë në skenarin e Xhevdetit”; “Masterat e ekonomikut, publikohen kriteret”; “Shkak bëhet Tajvani, Kina refuzon Nikollën”; ndërsa në suplementin summer pages, titull kryesor është “Zyliha Miloti: Puthja me Zef Dedën”; nga bulevardi politik, Haxhinasto: Do korrigjohen kartat e identitetit”.
Të nderuar lexues. Ky është një shërbim që ofrohet me parapagim nga agjencia e Lajmeve NOA, në shqip, anglisht, italisht e greqisht. Mundësia e parapagimit aktualisht ofrohet përmes abonimit. Për t’u abonuar në këtë shërbim dhe për t’u pajisur me një emër përdoruesi dhe kodin, dërgoni një kërkesë në adresën; info@noa.al.
mit/NOA
