Devoll, 8 Gusht 2011 NOA/ Alba Filipi – Oborri i një shkolle në Devoll është përfshirë nga flakët dhe nën gjuhët e zjarrit kanë përfunduar dixsa bredha shumëvjeçarë.
Bredhat që u dogjën, gjithsej pesë, gjendeshin në brendësi të oborrit dhe shërbenin si vend hije për nxënësit gjatë intervaleve të pushimit mes orëve mësimore.
Lidhur me ngjarjen, policia e Devollit nisi hetimet dhe tha sot se zjarri ka ardhur nga pakujdesia.
“Ne kemi filluar procedimin penal ne gjendje te lire per shtetasin M. P 17 vjeç, banues ne fshatin Cangoj - Devoll, pasi në fshatin Cangoj, ka dëmtuar me zjarr nga pakujdesia 5 rrënje bredha ne oborrin e shkolles 9-vjeçare Cangoj”, - i thanë agjencisë NOA burime zyrtare të policisë lokale duke shtuar se ishte drejtori i kesaj shkolle që denoncoi rastin. Vepra penale e konsumuar ne kete rast eshte ajo e “Shkaterrimit te prones nga pakujdesia”.
a.f/NOA
