E martë, 9 gusht 2011, NOA – Këtë vit tregohuni më të shpejtë në numërimin e yjeve që bien. Kjo sepse, në dy netët kur “shiu” i yjeve është më i madh, saktësisht më 12 dhe 13 gusht, do të jetë Hëna e plotë, çka do t’a bëjë shumë të vështirë shikimin e spektaklit.
Kësisoj, kemi dy ditë kohë, sot dhe nesër, për takimin me fenomenin që njihet si “Lotët e Shën Lorencos”. Meteorët “shuhen” në atmosferën e Tokës në të njëjtën ditë atë të vdekjes së shenjtorit, pra më 10 gusht.
Sipas shkencëtarëve parashikohen rreth 20 – 30 meteorë ( yje) që bien në një orë të vetme, ndërsa numri i tyre, ditën e pikut, pra më 13 gusht, do të arrijë në 100.
Por me gjithë këtë shpeshtësi, t’i shohësh ata do të jetë e vështirë, pasi drita e fortë e Hënës së plotë do t’i zbehë disi.
Për këtë arsye ekspertët e qiellit, këshillojnë që, yjet që bien t’i shohim natën e sotme dhe nesër. Kjo, pasi Hëna nuk ka hyrë ende në fazën e saj të plotë, ndaj oraret 2.30 – 3 të natës ju ftojnë të kaloni bukur poshtë yjeve që bien.
KURIOZITET
Fenomeni quhet ndryshe, Perseid: shiu i meteorëve duket sikur bie nga një pikë e caktuar në qiell, të vendosura në yjësine e Perseut. Ai shkaktohet nga reja e pluhurit që lë pas në orbitën e saj kometa, Swift Tuttle e ku planeti ynë, Toka kalon çdo vit në të njëjtën periudhë.
a.q/NOA
