Libi, 16 gusht, NOA - Në Libi edhe sot kanë vazhduar luftimet, pasi kryengritësit i hodhën poshtë pohimet se janë në bisedime me regjimin e Muamer Gadafit.
Burime të afërta me shërbimet e sigurimit të Tunizisë, dje raportuan se bisedimet e tilla po mbaheshin në Gjerba, afër kufirit me Libinë, derisa forcat e kryengritësve po i afroheshin kryeqytetit Tripoli dhe pretenduan se i kanë ndërprerë linjat kryesore të furnizimit për në kryeqytet.
Nga ana tjetër, zëdhënësi i Kombeve të Bashkuara, Ferhan Hak, tha se OKB-ja nuk ka “informacione konkrete” për çfarëdo bisedimesh në Tunizi dhe se i dërguari për Libi, Abdul al-Katib, nuk po merrte pjesë në bisedime të tilla eventuale.
NOA/RFE
