Bulqizë, 25 gusht 2011, NOA/ Albana Qehajaj - ACR i ka bërë thirrje të gjithë punonjësve t’i bashkohet grupit që ka filluar sot punën për kthimin në normalitet të minierës së Bulqizës.
Në një deklaratë shpërndarë mediave pak minuta më parë, ACR thekson se minatorët duhet të kontaktojnë administratën e minierës, në sektorin të cilit i përkasin, për të nisur punën.
“Me paraqitjen në administratën e minierës minatorëve do t’u njihen të gjitha të drejtat që rrjedhin nga oferta e bërë publike e ACR. Kompania ACR i bën thirrje minatorëve të mos bien preh e kërcënimeve të Kol Nikollës dhe disa pasuesve të tij. ACR siguron minatorët që mbrojtja e tyre është e garantuar”, thuhet në qëndrimin zyrtar të kompanisë koncensionare.
Gjatë paradites së sotme pati përplasje mes minatorëve dhe forcave të Reneas, pas lëvizjes pranë minierës të makinerive për ndërhyrje brenda saj.
3 prej ish grevistëve u plagosën e njëri prej tyre përfundoi në spital.
a.q/NOA
