Tiranë, 9 shtator 2011, NOA – Kryetarja e Kuvendit, Jozefina Topalli nëpërmjet një deklarate për median ka dënuar vrasjen e gjyqtarit vlonjat Skerdilajd Konomi. “Jam e shokuar dhe e revoltuar nga vrasja e tmerrshme e gjykatësit Skerdilajd Konomi. Ky është një sulm kundër shtetit.Organet përgjegjëse duhet të zbulojnë e të dënojnë me ashpërsinë e shpejtësinë më të madhe të mundshme organizatorët dhe ekzekutorët e kësaj vrasjeje”, deklaron Topalli. Sipas njoftimit për shtyp, kryetarja e Kuvendit Jozefina Topalli, dënon ashpër këtë akt kriminal. Sulmi ndaj atij që i shërben shtetit është sulm ndaj shtetit e mbarë shoqërisë. a.q/ NOA
Më tepër për argumentin:
Atentanti ndaj gjyqtarit, Berisha: Vrasësit përpara drejtësisë
Vrasja e Konomit, reagojnë gjyqtarët: Po synohet terrori në drejtësi
Policia flet për vrasjen e gjyqtarit në Vlorë
