Afganistan, 11 shtator 2011, NOA - Në 10-vjetorin e sulmeve mbi Kullat Binjake dhe në Pentagon, fakte të reja kanë dalë në dritë në lidhje me lëvizjen terroriste të Al Kaedës. Ministri i Jashtëm i Qeverisë së Talebanëve, Wakil Ahmad Muttawakil, tha sot në një intervistë për televizionin “Al Jazeera”, se qeveria e tij i kishte kërkuar marrëveshje SHBA-ve për të dorëzuar Bin Ladenin para sulmeve të 11 shtatorit të vitit 2001. Ai që e cilëson veten si ministri i Jashtëm i talebanëve thotë se kjo ofertë që u bërë në atë kohë amerikanëve nuk u mor asnjëherë parasysh nga këta të fundit. Sipas tij kjo erdhi ngase qeveria e SHBA-ve nuk e ka njohur asnjëherë qeverinë e tyre. “Ata nuk kanë patur asnjë kontakt me ne në rrugë zyrtare. Qeveria e SHBA-ve e kërkonte Bin Ladenin, por ne nuk na është kërkuar në mënyrë zyrtare që në vitin 2001. Ne u kemi çuar sinjale SHBA-ve nëpërmjet kanaleve indirekte, si në ambasadën e SHBA-ve në Pakistan, por edhe në Nju Jork, se ishim gati ta dorëzonim për në gjyq. Por nuk ka patur përgjigje”, tha ministri i talebanëve. Sipas tij, kjo lëvizje i është kërkuar SHBA-ve që nga viti 1998, pas sulmeve që u bënë në disa ambasada të tyre në botë. Lëvizja e talebanëve është dobësuar gjatë kohëve të fundit. Ndërsa Muttawakil, më shumë sesa një zyrtar funksional i pëlqen të cilësohet si Ministër i Jashtëm dhe nuk dihet sesi funksionon në të vërtetë kabineti qeveritar i tyre. a.k/NOA
Në foto: Wakil Ahmad Muttawakil
