Tiranë, 17 shtator 2011, NOA- Një aksident i rëndë ka ndodhur pak minuta më parë në hyrje të Tiranës ku si rrjedhojë e tij ka humbur jetën një person ndërsa një tjetër ndodhet në gjendje të rëndë shëndetësore. Ngjarja në fjalë ka ndodhur në zonën e njohur Pezë Helmës ku dy kalimtaret kanë qenë duke kaluar rrugën teksa janë përplasur nga një makinë e cila ecte me shpejtësi të madhe. Sipas të dhënave paraprake thuhet se të aksidentuarat u dërguan me urgjencë në Spitalin Ushtarak por pavarësisht ndihmës së marrë nga ana mjekëve, njëra prej tyre nuk ka mundur ti shpëtojë vdekjes. Nga ana e policisë është bërë shoqërimi i autorit i cili aktualisht ndodhet në spital, ndërsa nuk bëhen ende të ditura identitetet e dy të dëmtuarave. a.y/NOA
