Tiranë, 20 shtator 2011, NOA- Dy të rinj nga kryeqyteti janë vënë në prangat e policisë pasi u kapën në flagrancë me një sasi lënde narkotike. Luçiano Xhelo, 18 vjeç, banues në Tiranë, i dënuar disa herë për vjedhje dhe Endrit Bektashi 24 vjeç, banues në Tiranë u kapën u kapën në orët e vonë të mbrëmjes në djeshme në rrugën “Kongresi Manastirit” ku Xhelo u kap duke shitur dozë të dyshuar lëndë narkotike Heroinë e cila pas peshimit rezultoi 0.9 gramë. Ndërsa gjatë kontrollit të mëtejshëm Xhelos iu gjetën në trup edhe 0.8 gramë lëndë e dyshuar narkotike e llojit Heroinë. Sakaq nga ana e uniformave blu në cilësinë e provës materiale u sekuestrua, sasia e lëndës së dyshuar narkotike e llojit Heroinë me peshë 1.3 gramë, një telefon i markës Nokia dhe një motor papaq me traga TR 277 H. Nga ana e bluve të kryeqytetit 18 vjeçari Xhelo u shoqërua në ambientet e paraburgimit ndërsa ndaj 24 vjeçarit Bektashi nisi procedimi penal në gjendje të lirë. a.y/NOA
