Tiranë, 25 Shtator 2011 NOA - Një grabitje e dhunshme me armë, raportohet të ketë ndodhur vetëm para pak minutash në Tiranë, tek një lokal-pikë bastesh sportive tek "Komuna e Parisit". Burime jozyrtare pohojnë se të paktën dy persona të armatosur kanë hyrë dhunshëm tek pika e basteve sportive që ndodhet në rrugën kryesore të Komunës së Parisit duke kërcënuar me qëllim marrjen e parave. Ende nuk ka informacion policor të konfirmuar mbi plaçkitjen dhe sasinë e parave të grabitura, kurse nuk raportohet për persona të dëmtuar. Policia ka shkuar në vendngjarje dhe po kryen procedurat rutinë të marrjes së dëshmive. Ende nuk ka informacion mbi autorët. e.t/NOA Vijon...
