Torino, 4 tetor 2011, NOA – Një histori e njohur prostitucioni është edhe ajo e të hyrit në këtë botë të dhimbshme për të shpëtuar fëmijën. Pamundësia ekonomike për të rritur fëmijët dhe kuruar ata nga sëmundje të rënda shtyn shpeshherë nënat t’i hyjnë kësaj rruge të trishtë, varfëruese e cfilitëse për shpirtin e një gruaje. Kështu i ka ndodhur një nëne në Itali, e cila u detyrua të prostituonte për të kuruar djalin e saj dyvjeçar të sëmurë me një patologji në rrugët e frymëmarrjes. Historia e trishtë e gruas doli në dritë falë një operacioni të karabinierëve të provincës Pinerolo në Torino. Në kuadër të këtij operacioni agjentët e policisë arrestuan katër persona të dyshuar për prostitucion të minorenëve dhe dhunë seksuale. mit/NOA
