Vlorë, 18 tetor 2011, NOA – Dy të rinj kanë përfunduar në prangat e policisë së Vlorës gjatë 24 orëve të fundit. Marinel Hamza Murataj, vjeç 18, lindur në Velçë dhe banues në Vlorë, u arrestua mbrume, pasi nga Gjykata e Rrethit Gjyqësor Vlorë me vendimin Nr. 323 datë 29.07.2011 ndaj tij është caktuar masa e sigurisë “Arrest në Burg” si i dyshuar për veprën penale “Vjedhje”. Vjedhja ka ndodhur më datë 19.05.2011 në banesën e shtetasit K. P., nga ku janë marrë një shumë prej 18 000 (tetëmbëdhjetë mijë) lekësh. Po kështu, në pranga ka përfunduar edhe Erjon Thoma Petani, vjeç 31, banues në fshatin Fitore, Vlorë. Ndalimi I këtij shtetasi është bërë në fshatin Bishan të komunës Novoselë rreth orës rreth orës 14:00 të datës 17.10.2011 pasi ndaj këtij shtetasi Gjykata e Rrethit Gjyqësor Vlorë ka caktuar masën e sigurisë “Arrest në burg” për veprën penale “Largimi nga vendi i aksidentit”. a.q/NOA
