Londër, 2 nëntor 2011. NOA - Gjykata Mbretërore britanike ka vendosur sot që themeluesi i WikiLeaks-it, Julian Asanzh do të ekstradohet për në Suedi, ku do të merret në pyetje lidhur me akuzat për ngacmim seksual.
Gjykata e lartë e Londrës sot mori vendim që të refuzojë kërkesën e Asanzh kundër ekstradimit.
Autoritetet suedeze duan ta marrin në pyetje Asanzh, rreth akuzave për ngacmim seksuale, të cilat janë paraqitur nga dy femra vullnetare që kanë punuar për WikiLeaks në Stokholm.
Asanzh u arrestua në Londër në dhjetor të vitit 2010, dhe ka jetuar në kushte të rrepta në Britani, që nga arrestimi i tij.
Por, burime pranë tij, thanë sot se Asanzh do të apelojë vendimin e drejtësisë britanike, ndërsa ka hedhur poshtë akuzat për përdhunim.
a.q/NOA
