Tiranë, 3 tetor 2011, NOA- Deputetja socialiste Valentina Leskaj gjatë fjalës së mbajtur në seancën-maratonë të parlamentit, u shpreh qartë dhe prerazi kundër importit të plehrave.
E nisur që në orët e para të paradites së sotme seanca parlamentare po vijon për orë të tëra diskutimin për Ligjin për menaxhimin e integruar të mbetjeve i kthyer për shqyrtim në Kuvend, nga Presidenti i Republikës, Bamir Topi.
Në fjalën e saj Leskaj u shpreh se, “Përpjekjet e Kryeministrit nuk kanë bërë gjë tjetër përveçse kanë shtuar më shumë dyshimet për këtë aferë. Kryeministri duhet t’u thoshte shqiptarëve se cili do të ishte boshti i zhvillimit ekonomik në vend, arrorët, turizmi apo plehrat, gjë që bie në kundërshtim me të parat”.
Më herët që nga Kryeministri Berisha, Ministri i Mjedisit Fatmir Mediu e deputetë me radhë, kryesisht socialistë kanë debatuar për këtë ligj ku njëra palë pretendon se është sipas standardeve të BE-së e pala tjetër e cilëson importin e plehrave si një dëmtim serioz për vendin.
a.y/NOA
