Kosovë, 10 nëntor 2011, NOA - Ka vdekur njëri nga tre serbët e plagosur mbrëmë gjatë një përleshjeje mes shqiptarëve dhe serbëve në lagjen Kroi i Vitakut në Mitrovicë.
Lajm bëhet i ditur nga mediat ndërkombëtare, e cila raporton se i vdekuri është Sava Mojsiç. Dy të plagosurit tjerë, njëri nga ta polic, thuhet se janë në gjendje të rëndë shëndetësore.
Policia, e cila ka bllokuar vendin e ngjarjes dhe është duke kryer hetimet, nuk ishte në gjendje të jepte më shumë hollësi rreth incidentit i cili kishte pasuar një përplasje ndërmjet grupesh të serbëve dhe shqiptarëve.
Policia tha se të shtënat nuk ishin pjesë e përplasjes, por kishin ardhur nga një drejtim i panjohur. Të plagosurit ju nënshtruan trajtimit në spitalin në veriun e Mitrovicës.
a.k/NOA/VOA
