Tiranë, 12 nëntor 2011, NOA – Një person ka humbur jetën pak minuta më parë në kryeqytet, i përplasur nga një betoniere. Ngjarja ka ndodhur në zonën e Laparës, kur viktima, identiteti i së cilës nuk bëhet i ditur ka qenë duke kaluar rrugën. Ai është përplasur nga një automjet tip betoniere. Megjithëse është dërguar menjëherë në Spitalin Ushtarak, viktima nuk ka mundur të shpëtojë.
Policia ka nisur hetimet për zbardhjen e ngjarjes si edhe për identifikimin e viktimës.
a.q/NOA
