Warning: file_get_contents(): SSL operation failed with code 1. OpenSSL Error messages: error:1416F086:SSL routines:tls_process_server_certificate:certificate verify failed in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(): Failed to enable crypto in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(https://www.njoftime.net/service/xml-last-ads/): failed to open stream: operation failed in /var/www/vhosts/lajme.gen.al/httpdocs/v2/site/controllers/genel.php on line 1153
Veriu i Kosovës, Rohan: Zgjidhja në Pakon e Ahtisaarit, mos kërkoni tjetër
English

Veriu i Kosovës, Rohan: Zgjidhja në Pakon e Ahtisaarit, mos kërkoni tjetër

Prishtinë, 15 nëntor 2011, NOA – Bashkëhartuesi i planit Ahtisaari, diplomati austriak Albert Rohan, bëri thirrje që të bisedohet për zbatimin e këtij plani, pasi ai ka zgjidhjen edhe për veriun e Kosovës.

Rohan, i cili bashkë me Martti Ahtisaarin hartoi propozimin gjithëpërfshirës për statusin e Kosovës, që shërbeu si bazë për shpalljen e Kosovës shtet të pavarur më 2008-ën, thotë se “Pakoja e Ahtisaarit, është zgjidhja edhe për veriun e Kosovës, dhe në vend të diskutimeve për një zgjidhje të re, do të duhej të bisedohej për zbatimin e saj”.

Duke folur në një intervistë të shkurtër për gazetën kosovare “Koha Ditore”, diplomati i mirënjohur austriak, Rohan, thotë se përgjegjësia për veriun e Kosovës është para së gjithash e institucioneve dhe e lidershipit politik të Kosovës, por edhe e Beogradit dhe e vetë serbëve në veri.

Sipas tij, Brukseli, përveç se duhet të ofrojë përkrahje më të madhe për stabilizimin e Kosovës, tashmë është në kohën e fundit që të tejkalojë edhe pengesën, që i krijojnë Kosovës pesë vendet e BE-së, që ende nuk e kanë njohur pavarësinë.

mit/NOA

KOMENTE