Tiranë, 27 nëntor 2011, NOA – Vijon operacioni i koduar “Vjeshtë 2011 II”, përmes të cilit Policia e Shtetit ka vënë në jetë bllokimin, sekuestrimin dhe hetimin ndaj makinave të vjedhura e të trafikuara në vendin tonë.
Kështu gjatë dy ditëve të fundit, janë kontrolluar rreth 432 automjete të ndryshme, nga të cilat janë bllokuar 27 automjete, që në sistemin e Interpolit rezultuan të vjedhura jashtë vendit, raporton agjencia e lajmeve NOA.al.
Policia bën me dije se falë aksionit janë bllokuar edhe 25 automjete të tjera, të cilat rezultuan me mangësi në dokumentacion.
Gjatë kontrolleve të ushtruara janë bllokuar edhe katër armë zjarri, pistoleta të llojeve të ndryshme, si dhe një sasi e konsiderueshme municioni, për të cilat janë arrestuar në flagrancë katër shtetas.
Nga verifikimet e kryera në sistemin e Interpolit këto automjete kanë rezultuar të vjedhura kryesisht në Itali, Kroaci, Bullgari, Serbi, Poloni, Afrikë e Jugut etj.
Policia e Shtetit informon se 27 automjetet e vjedhura jashtë vendit janë bllokuar gjatë kontrolleve të ushtruara në disa qarqe të vendit, si psh.:
Berat, 7 automjete
Korçë, 4 automjete
Elbasan, 4 automjete
Vlorë, 2 automjete
Tiranë, 6 automjete
Shkodër, 2 automjete
Lezhë, 2 automjete
Fier, 1 automjet
Gjirokastër, 1 automjet
Sipas policisë automjetet e vjedhura ishin të llojeve:
Benz Mercedes 6 automjete
BMV 4 automjete
Volzwagen 4 automjete
Audi 2 automjete
Smart 1 automjet
Fiat 1 automjet
Rang rever 1 automjet
Alfa 1 automjet
Opel 1 automjet
Nisan 1 automjet
3 automjete të rënda etj.
