Rama: Shqipëria më e korruptuara në Europë, duhet Rilindje Kombëtare

Tiranë, 1 dhjetor 2011, NOA/ Irma Toptani/ Update – “Shqipëria është vendi më i korruptuar i Europës”, komentoi kryetari i opozitës Edi Rama raportin më të fundit të TIA-s për perceptimin e korrupsionit në Shqipëri.

Në një koment në faqen e tij personale në Twitter, Kryetari i Partisë Socialiste bën thirrje se për të dalë nga kjo emergjencë në të cilin ndodhet vendi nën qeverinë Berisha duhet të vihet në jetë programi i ri elektoral i PS-së “Për një Rilindje Kombëtare”.

“Shqipëria pikiatë në renditjen e Transparency International. Vendi më i korruptuar i Europës. Emergjencë për një Rilindje Shqiptare!”, komenton shkurt lideri i opozitës.

Korrupsioni, TIA: Shqipëria zbret shkallë, e parafundit në rajon

Kur lufta kundër korrupsionit në vend është në majë të apeleve të ndërkombëtarëve, por edhe kryemotiv në punën e qeverisë, e përzgjedhur si një qeveri e vogël, Shqipëria shënon hapa prapa, duke u renditur e 95-ta në botë mes 183 vendeve të tjera për shkallën e korrupsionit, raporton agjencia e lajmeve NOA.al.

Ka qenë “Transparency International Albania” që ka publikuar këtë raport të fundit, duke bërë me dije se Shqipëria ka bërë hapa prapa sa i përket korrupsionit duke lënë pas vetes vetëm Kosovën.

“Shqipëria ka shënuar një ulje prej 8 vendesh në vitin 2011, dhe vlerësohet me 3.1 pikë, ndërkohë që në vitin 2010 kishte 3.3 pikë sa i takon indeksit të perceptimit të korrupsionit”, deklaroi TIA, duke preçizuar se Shqipëria është në vendin e parafundit në rajon sa i përket perceptimit të korrupsionit duke lënë prapa vetëm Kosovën.

Sipas TIA-s Bosnja nuk ka pësuar ndryshime në renditje, Mali i Zi ka shënuar përparim, kurse Serbia dhe Maqedonia kanë bërë hapa prapa.

Edhe këtë vit, thekson TIA, Kosova renditet e 112-ta ndërmjet 183 shteteve të tjera, mes tyre edhe Egjipti, Moldavia, Senegali, Vietnami, Algjeria.

TIA nënvizon se Kosova është vlerësuar me 2.9 pikë duke u renditur më poshtë se vendet e tjera në raportin për shkallën e korrupsionit.

“Transparency Internacional Albania” thotë se ndërsa Shqipëria ka zënë vendin e 95-të, Kroacia e Mali i Zi janë në vendin e 66-të, Maqedonia në të 69-tin, Serbia është në vendin e 86-të dhe Bosnje e Hercegovina në vendin e 91-të.

mit/NOA

• livalu Ligor Luarasi14:54 - 01 Dhjetor 2011
  RILINDASIT I KEMI NE PARLAMENT. ************************************************* Nuk nisem vetem nga fjalia e me siperme e Z.Rama qe te shpreh idene se atdheu si po ecen me shqeteson.Per keto shqetesime kam sigurine se s'jam i vetem,tjeter pune se sa jane shqiptare qe shqetesohen nga menyrat si po ndryshon atdheu dhe sa jane qe nuk shqetesohen.Derisa ende sot Shqiperia s'ben dot votim te ndershem per zgjedhjet edhe per kete problem nuk jep dot nje shifer te sakte,sepse do futin duart apo baltosjen robotet e kesaj pune. Vetem nje qor,injorant,keqdashes mund te mohoje perparimet e atdheut ne 20 vite.Por eshte edhe realitet ideja se nje peshore e sakte apartijake qe peshon te mirat dhe te keqiat e ketij lloj tranzicioni ende s'egziston,per te pare nga rendon peshorja. Shqetesim i math jane edhe fjalite:Shqiperia me e koruptuara ne Evrope,qeveria shqiptare s'jep llogari,s'ka trasparence,nuk mjaftojne vetem fjalet,fotot,apo shterngimet e duarve,duhet progres urgjent dhe i besushem.Ajo qe me shqeteson eshte fakti se keto idera i japin personalitet nga me te shquarat e globit. Z.Rama keshillon:Duhet rilindje kombetare.Kjo fjali me con tek rilindasit e kombit,te cilet ishin ne te tjera kushte qe krejt natyrshem dhe me te gjitha veshtiresite e asj kohe e rilinden vertet Shqiperine. Ku jane sot keta rilindas,pse nuk bejne me veprat e tyre nje rilindje te re? mos valle kushtet e sotme jane me te renda se dikur dhe keta rilindas rijne nen hije apo veshtrojne nga ballkonet? ndaj edhe fjalia Rilindje Kombetare o duhet shtjelluar sakte dhe gjere o ndryshe ngelet pezull si nje utopi. Ajo qe eshte konkrete,reale,praktike,eshte debati,dialogu,konstruktif sikunder ka filluar me reformen zgjedhore.Te gjithe i kemi te qarta mekatet e tranzicionit sa edhe leshkot e fshatit i mesuan,jo pastaj kokat tona politike apo parlamentaret. Pikerisht rilindja jone atje eshte:Do ndryshojne konceptet e kalbura kokat tona politike qe deri sot na mbyllen porten e BE-pian o jo? do unifikohen keto koka per reforma te sinqerta,te ndershme,te pastra ne ligjet e zgjedhjeve,o jo?.Po per drejtesine tone gangrenoze c'to bejne "rilindasit tane" apo do vazhdojne me shfaqe dhe fjale te bukura dhe gur ne torbe, thote populli? Rilindja jone atje eshte: ne purifikimin e koncepteve te shtrembra te c'do shqiptari qe ulet ne Parlament.Kjo sepse jane keto palokoncepte qe deri tani jemi allakatur me 12 prioritetet,permes institucionit tone te pa deklaruar: Institucionit te Heshtjes apo te Shtyerjes,per lemshet apo kotkat qe kemi lejuar.Shty e shty,shty e stershty,shty dhe prape shty,shty dhe stershty,me pretekse te sajuara.Epo edhe leshkot e fshatit s'i hane keto kumblla te krimbura zoterinj Parlamentare,ndaj korupsioni yne ritet. Rilindasit e Kombit atje jane brenda Parlamentit,ju duhet vetem te behen BURRA dhe GRA nga ato te Sulit qe preferuan shkembin dhe turqve mos ju dorezohen. Z.Fyle ja hapi perseri driten jeshile Parlamentareve tane,qeverise tone,se c'to bejne ato, populli c'do dite pret i sterlodhur,i stresuar,i shqetesuar, do ndergjegjsohen Parlamentaret tane o do ngelen robote,permes lidhjeve egoiste partijake,duke ditur qe partite e tyre s'jane vetem per antaret,por per c'do shqiptar i kudondodhur.Ndryshe hipokrizite,dredhite do na ndjekin edhe atje ne Parlament me labirinthet o sofizmat dhelperake te fjaleve me sheqer.