Tiranë, 3 dhjetor 2011, NOA- Dita e zisë e shpallur për pretendentin e fronit mbretëror Leka Zogi I, u trondit edhe më tej pasi politikani Sabri Godo, i njohur ndryshe si një ndër “të urtët” e politikës shqiptare dhe themeluesi i Partisë Republikane është ndarë nga jeta pak çaste më parë pas një sëmundje të rëndë në mushkëri.
Godo u nda nga jeta në moshën 82 vjeçare, ndërsa siç informon agjencia e lajmeve NOA.al. Godo ka lindur në qytetin e Delvinës më 8 gusht 1929.
Më 22 nëntor Godo u shtrua në reanimacionin e spitalit të Mushkërive, në Sauk të Tiranës.
Sipas mjekëve, Godo vuante nga likidi pleural (ujë në mushkëri). Politikani 82 vjeçar gjatë qëndrimit në spital krahas mjekëve u kujdeset edhe nga vajza e tij, Anila Godo, ish ministre e shëndetësisë.
a.y/NOA
