Warning: file_get_contents(): SSL operation failed with code 1. OpenSSL Error messages: error:1416F086:SSL routines:tls_process_server_certificate:certificate verify failed in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(): Failed to enable crypto in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(https://www.njoftime.net/service/xml-last-ads/): failed to open stream: operation failed in /var/www/vhosts/lajme.gen.al/httpdocs/v2/site/controllers/genel.php on line 1153
Clinton, Thaçit: Sundim të ligjit në tërë territorin e Kosovës
English

Clinton, Thaçit: Sundim të ligjit në tërë territorin e Kosovës

Bruksel, 8 dhjetor 2011 NOA/ Rid Bulku - Kryeministri i Republikës së Kosovës, Hashim Thaçi, gjatë qëndrimit në Bruksel, ka takuar Sekretaren e Shtetit të Shteteve të Bashkuara të Amerikës, Hillary Clinton, raporton korrespondenti i agjencisë NOA.al.

Në takim është diskutuar për zhvillimet aktuale politike në Kosovë, për përkushtimin e Qeverisë së Republikës së Kosovës për implementimin e vlerave euro-atlantike dhe për tema tjera me interes të përbashkët.

Sekretarja e Shtetit, Clinton gjatë takimit i ka ritheksuar kryeministrit Thaçi mbështetjen e vazhdueshme të Qeverisë së SHBA-ve për Qeverinë e Kosovës në rrugën e saj për fuqizimin e sundimit të rendit dhe ligjit dhe të kushtetutshmërisë në tërë territorin e Kosovës.

Thaçi në takimin e sotëm që u mbajt në Bruksel e ka njoftuar Sekretaren Klinton për zhvillimet e fundit në Republikën e Kosovës, si dhe ka theksuar përkushtimin e Republikës së Kosovës në dialogun teknik në mes të Republikës së Kosovës dhe Republikës së Serbisë.

Gjatë dialogut teknik mes Republikës së Kosovës dhe Serbisë, Qeveria e Republikës së Kosovës ka pasur një qasje me vlera euroatlantike, duke dëshmuar edhe njëherë se Kosova është një faktor i rëndësishëm i paqes dhe stabilitetit në rajon.

Kosova ka ndërtuar marrëdhënie të mira fqinjësore me të gjithë fqinjët, duke përfshirë Shqipërinë, Maqedoninë, Malin e Zi dhe gjithashtu kemi dëshmuar vullnetin e mirë për përmirësimin e marrëdhënieve fqinjësore me Serbinë, si dy shtete të pavarura – theksoi kryeministri Thaçi.

Hashim Thaçi gjatë takimit me Sekretaren Amerikane të Shtetit, Clinton ka theksuar se Qeveria dhe institucionet e Republikës së Kosovës janë në proces të ndërmarrjes së reformave të thella ne fushën e legjislacionit të ndërlidhur me integrimet euroatlantike, me reformën elektorale, legjislacionit përkatës për sundimin e ligjit, qeverisjes së mire, si dhe të zhvillimit ekonomik.

Nga ana e saj, Sekretarja Amerikane e Shtetit, Hillary Clinton ka vlerësuar lartë rolin e Kryeministrit të Republikës së Kosovës, Hashim Thaçi dhe të Qeverisë së Republikës së Kosovës për të implementuar reformat institucionale në politikë, ekonomi dhe legjislacion.

Me theks të veçantë, Sekretarja e Shtetit, Clinton ka vlerësuar lartë përkushtimin e Qeverisë së Kosovës në dialogun teknik mes Republikës së Kosovës dhe Serbisë, dhe ka shtuar se ky përkushtim dëshmon vizionin euroatlantik të institucioneve kosovare.

r.b/NOA

KOMENTE