Drenas, 10 dhjetor 2011, NOA- Katër vetë kanë rënë në prangat e policisë kosovare të akuzuar për falsifikim parash.
Burime zyrtare nga policia e Kosovës thanë për agjencinë e lajmeve NOA.al. se kanë qenë hetime intensive të cilat kanë zgjatur me muaj, ato që kanë bërë kapjen e katër kosovarëve pas denoncimeve të shumta se në qarkullim prej disa kohësh silleshin dollarë të falsifikuar.
Sakaq po të njëjtat burime bëjnë me dije se të dyshuarve në cilësinë e provës materiale iu konfiskuan 80.000 dollarë të cilët dyshohet të jenë të falsifikuar.
Ngjarja në fjalë ka ndodhur në Drenas, ndërsa katër bashkëpunëtorët përfunduan në ambientet e paraburgimit deri në përfundim të hetimeve.
a.y/NOA
