Warning: file_get_contents(): SSL operation failed with code 1. OpenSSL Error messages: error:1416F086:SSL routines:tls_process_server_certificate:certificate verify failed in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(): Failed to enable crypto in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(https://www.njoftime.net/service/xml-last-ads/): failed to open stream: operation failed in /var/www/vhosts/lajme.gen.al/httpdocs/v2/site/controllers/genel.php on line 1153
I bie infarkt në timon, aksidenton fatalisht makinën tjetër, 2 të vdekur, 1 i plagosur
English

I bie infarkt në timon, aksidenton fatalisht makinën tjetër, 2 të vdekur, 1 i plagosur

Tiranë, 28 dhjetor 2011, NOA – Një aksident fatal ka ndodhur pak minuta më parë në hyrje të autostradës Tiranë-Durrës, pak metra pranë rrethrrotullimit “Zogu i Zi”, duke lënë të vdekur në vend dy persona, dhe plagosur një tjetër, raporton agjencia e lajmeve NOA.al.

Në aksident janë përplasur në mënyrë fatale me njëra tjetrën dy makina, që ecnin në sens të kundërt.

Dëshmitarë që panë me sy aksidentin e rëndë në mes të ditës thanë se një makinë Opel me targë AA 237 BI, që vinte për në Tiranë kapërceu traversën e mesit të rrugës duke u përplasur në mënyrë fatale me një Benz me targë Tr 6434 I, që udhëtonte në drejtim të kundërt.

Por, sipas dëshmitarëve arsyeja e aksidentit të rëndë ka qenë se drejtuesi i automjetit Opel që vinte drejt Tiranës ka pësuar atak kardiak apo infarkt ndërsa ngiste makinën, e për rrjedhojë ai ka humbur kontrollin e makinës, dhe ka devijuar rrugën duke kapërcyer traversën ndarëse të saj, dhe përplasur më pas fatalisht me benzin.

Si pasojë e përplasjes të dyja makinat u shkatërruan plotësisht dhe morën flakë.

Për të nxjerrë trupat e të vdekurve është dashur ndërhyrja e zjarrfikësve të kryeqytetit për shkak të përplasjes së fortë.

Në vendngjarje mbërritën forca të shumta policie dhe makina zjarrfikëse. Aksidenti ndodhi në një orar të ditës kur autostrada Tiranë-Durrës është në pikun e trafikut, të shtuar ndjeshëm edhe për shkak të festave të fundvitit.

mit/NOA

KOMENTE