Warning: file_get_contents(): SSL operation failed with code 1. OpenSSL Error messages: error:1416F086:SSL routines:tls_process_server_certificate:certificate verify failed in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(): Failed to enable crypto in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(https://www.njoftime.net/service/xml-last-ads/): failed to open stream: operation failed in /var/www/vhosts/lajme.gen.al/httpdocs/v2/site/controllers/genel.php on line 1153
Mbledhja e fundit, Thaçi: Qeveria ime e mban fjalën
English

Mbledhja e fundit, Thaçi: Qeveria ime e mban fjalën

Prishtinë, 30 dhjetor 2011, NOA – Në mbledhjen e fundit të qeverisë së Kosovës për vitin 2011, Kryeministri i Kosovës, Hashim Thaçi deklaroi se qeveria e tij e ka mbajtur premtimin ndaj popullit duke u shfaqur si qeveria më e besueshme në historinë e institucioneve të Kosovës, raporton agjencia e lajmeve NOA.al.

“Kjo qeverisje ka treguar se e mban fjalën”, deklaroi Thaçi, sa i përket premtimit për rritjen e pagave për nëpunësit e administratës.

Gjatë mbledhjes së qeverisë pasi falenderoi dhe lavdëroi bashkëpunëtorët e tij ministra për punën e kryer për realizimin e prioriteteve, kryeministri i Kosovës tha se qeveria e tij ka respektuar vullnetin e popullit në rrugën përdrejt integrimit në BE dhe aleancat e tjera euroatlantike.

Thaçi garantoi se qeveria e tij do të qëndrojë besnike partneritetit me BE-në dhe SHBA-të, bëjnë me dije mediat e Kosovës.

Gjatë analizës së punës së qeverisë, kryeministri i Kosovës deklaroi se ngjarjet më të suksesshme të vitit që po lëmë pas, janë: aksioni i policisë së Kosovës për vënien nën kontroll të dy pikave kufitare me Serbinë, Jarinjën dhe Bërnjakën në 25 korrik; nisja e negociatave me Serbinë, dhe oferta konkrete e BE-së për nisjen e dialogut për liberalizimin e vizave me BE-në për qytetarët e Kosovës.

Kryeministri i Kosovës tha se viti 2012 është një vit shumë i rëndësishëm për Kosovën, pasi në këtë vit do të vijnë edhe pesë njohjet e mëvetësisë së Kosovës edhe nga pesë vendet anëtare të BE-së që ende nuk e kanë njohur shtetin e ri.

Sikurse deklaroi pak ditë më parë në një intervistë për “Zërin e Amerikës”, kryeministri i Kosovës Hashim Thaçi paralajmëroi se ky vit që po mbyllet është vit i përmbylljes së pavarësisë së mbikëqyrur.

mit/NOA

KOMENTE