Prishtinë, 3 janar, NOA- Shteti
i Kosovës tashmë është gati të bëj regjistrimin e popullsisë. “Regjistrimi i
popullsisë, i ekonomive familjare dhe i banesave do të bëhet siç është
parashikuar, nga 1-15 prill të vitit 2011”, ka thënë ministrja në detyrë e
Administratës Publike, Edita Tahiri.
Regjistrimi i popullsisë do të nisë në pranverën e këtij viti dhe për këtë ka
marrë sinjalin e gjelbër nga Operacioni Ndërkombëtar për Monitorimin e
Regjistrimit të Popullsisë.
Drejtor i EUROSTAT-it dhe kryesuesi i IMO-s, gjatë vizitës së fundit në Prishtinë,
ka vlerësuar autoritetet kosovare për punën e bërë në këtë drejtim.
“IMO rekomandon se regjistrimi i popullsisë mund të fillojë më 1 prill 2011”,
ka thënë ai në takimin me ministren Tahiri.
Regjistrimi i fundit i popullsisë në Kosovë është bërë 30 vjet më parë, nga ky
regjistrim pritet të merret vesh saktësisht numri i shtetasve kosovar.
a.y/NOA
