Tiranë, 26 maj, NOA – Presidenti i vendit Bamir Topi është nisur sot për në Poloni, ku do të marrë pjesë në Takimin e 17-të të Presidenteve të Shteteve të Evropës Qendrore. Aktiviteti ndërkombëtar zhvillohet në datat 26-28 maj.
Kreu i shtetit, së bashku me Zonjën e Parë, Teuta Topi dhe delegacionin që e shoqëron atë janë ftuar në këtë takim nga Presidenti i Polonisë, Bronislav Komorovski Presidenti Topi.
Në takimin e Polonisë do të jetë i pranishëm edhe Presidenti i Shteteve të Bashkuara të Amerikës, Barak Obama, si dhe Presidentja e Kosovës, Atife Jahjaga.
Në qendër të diskutimeve të dy sesioneve plenare do të jenë çështje të ruajtjes së stabilitetit e prosperitetit në Evropën Qendrore e më gjerë.
a.k/NOA
