Tiranë, 8 Qershor 2011 NOA – Katër të rinj, shokë mes tyre, janë gjendur në situatë dramatike pasditen e sotme në Tiranë dhe dyshohet se ka një viktimë mes tyre për shkak të mbytjes.
Burime policore që kanë shkuar në vendngjarje i thanë para pak minutash agjencisë NOA se të rinjtë kanë qenë duke drekuar në afërsi të liqenit Tujan në periferi të Tiranës.
Pas dreke ata kanë dashur të kridhen në ujë, por këtu ka nisur misteri sepse pak minuta më vonë, vetëm tre prej të rinjve kanë dalë në breg të liqenit.
Tre djemtë kanë dhënë alarmin duke kërkuar edhe ndihmën e policisë. Momentalisht në vendngjarje gjenden palombarë të cilët po bëjnë kërkime për të gjetur të katërtin e grupit të shokëve që kishin dalë për të drekuar.
Vijon.... NOA
