NASA, 7 korrik 2011 NOA – Një stuhi i jashtëzakonshme ka goditur planetin Saturn.
Sipas të dhënave të përcjella nga sonda Cazini, vetëtimat në planetin e unazave kanë patur një forcë të paimagjinueshme, 10 mijë herë më të forta se ato që jemi mësuar të shohim në planetin tonë, Tokë.
Stuhia është parë edhe në Tokë në formën e një njolle të bardhë në jug të planetit.
Sipas ekspertëve, në 130 vitet e fundit në Saturn janë regjistruar 5 njolla të tilla të bardha dhe sipas përllogaritjeve stuhia ka mbuluar një sipërfaqe prej 4 miliardë kilometra katrorë. Shpejtësia e vetëtimave ka qenë një në 10 sekonda, çka e bën fenomenin atmosferik të rrallë.
a.q/NOA
