Dibër, 8 korrik 2011, NOA- Një 17 vjeçar nga komuna Kastriot e Dibrës është mbytur gjatë drekës së sotme në liqen.
Mësohet se djaloshi me iniciale G.M kishte shkuar në liqen për tu larë me shokët ndërsa duket se nuk ka mundur të dalë më dot prej atje.
Sakaq mësohet se hyrja në liqen për të riun ka qenë fatale, pasi uji e ka thithur aq shpejt për shkak se dyshohet se viktima nuk dinte as not, gjë që nuk ka bërë të mundur që askush ti vijë në ndihmë.
Menjëherë sapo është sinjalizuar rasti, nga ana e policisë dhe polumbarëve kanë nisur kërkimet për gjetjen e trupit të të riut si dhe për sqarimin e rrethanave të ngjarjes.
a.y/NOA
