Mirditë, 10 korrik, NOA – Një 76 vjeçare ka humbur jetën mbrëmjen e djeshme si pasojë e një aksidenti automobilistik. Ngjarja ka ndodhur në autostradën Rrëshen-Kukës, në vendin e quajtur fshati Ndërfanë të rrethit Mirditë. Viktima është Dile Kola nga fshati Ndërfanë.
Policia ka arrestuar drejtuesin e mjetit që shkaktoi aksidentin, i cili është Afrim Ukaj, 39 vjeç, lindur në Prizren, Kosovë dhe me banim në Zvicër. Ngjarja ka ndodhur rreth orës 19.00, kur Ukaj ka qenë duke kaluar në autostradë me makinën e tip “Ford Galaxy” me targe FR 115313. Shtetasi kosovar udhëtonte së bashku me familjen e tij. Polica arrestuar 39-vjeçarin nga Prizren.
Ndaj tij ka nisur hetimet nga Prokuroria e Rrethit Gjyqësor Lezhë, për veprën penale të “Shkelje e rregullave të qarkullimit rrugor”.
a.k./NOA
