Tiranë, 19 korrik 2011, NOA- Një grua e moshuar është gjetur e pajetë pak minuta më parë në banesën e saj, në njërën prej lagjeve të kryeqytetit.
Sipas gazetarit të agjencisë së lajmeve NOA në vendngjarje, mësohet se viktima është identifikuar si Liri Prifti dhe se i përkiste moshës 85 vjeçare.
Kanë qenë fqinjët e të moshuarës ata që kanë gjetur trupin e pajetë në banesën e saj në rrugën “Sami Frashri”, të cilët menjëherë kanë njoftuar policinë, pasi e moshuara jetonte e vetme.
Trupi i Liri Priftit u gjet në mes të shtëpisë e mbuluar me gjak dhe nga të dhënat paraprake mendohet se shkak për këto dëmtime të ketë qenë ndonjë rrëzim i mundshëm i saj.
Gjithsesi nga ana e uniformave blu ka nisur menjëherë puna për zbardhjen e plotë të ngjarjes.
a.y/NOA
