Warning: file_get_contents(https://www.njoftime.net/service/xml-last-ads/): failed to open stream: Connection refused in /var/www/vhosts/lajme.gen.al/httpdocs/v2/site/controllers/genel.php on line 1153
Akuzat për manipulime me listat, Teliti padit për shpifje Gramoz Ruçin
English

Akuzat për manipulime me listat, Teliti padit për shpifje Gramoz Ruçin

Tiranë, 21 korrik 2011, NOA – Pas akuzave për importimin në listat e zgjedhësve në Tiranë të 40 mijë zgjedhësve nga qytete të tjera të vendit, një tjetër padi për shpifje publike mbërriti mëngjesin e sotëm në dyert e Prokurorisë.

Këtë herë i padituri për shpifje është kreu i grupit kuvendor të socialistëve, Gramoz Ruçi, i cili akuzoi Drejtorinë e Gjendjes Civile pranë Ministrisë së Brendshme se ka manipuluar listat e zgjedhësve duke shtuar emra të rinj edhe pas përpilimit të listave përfundimtare.

Drejtori i Gjendjes Civile, Armand Teliti gjatë dorëzimit të padisë kundër Ruçit në Prokurori deklaroi se akuzat e kryedeputetit socialist janë të pabaza dhe mashtrime prej tellalli, që nuk mund të mbulojnë dot humbjen e Edi Ramës në zgjedhjet për bashkinë e Tiranës.

Drejtori Teliti ndërsa e kallëzoi Ruçin për shpifje publike për shkak të detyrës, duke pritur që zgjidhjen t’ia japë drejtësia deklaroi se “Ruçi nuk mund të ngushëllojë të pangushëllueshmin për humbjen e Tiranës duke bërë tellallin. Uroj, që kjo padi të ndërgjegjësojë zotin Ruçi, që të mos bëhet më gazi i botës nëpër ekrane. Unë kam shumë besim tek drejtësia”, tha ai.

Më herët nga përfaqësues të PD-së janë paditur për shpifje në Prokurori edhe deputetët e PS-së, Ermonela Felaj dhe Eduard Shalsi, të cilët pas gjykimit do të duhet t’i paguajnë një dëmshpërblim deputetes demokrate Albana Vokshi.

mit/NOA

KOMENTE