Tiranë, 22 korrik 2011 NOA - Partia Socialiste përsërit shqetësimin për problemet në listat zgjedhore. Deputeti socialist, Armando Subashi, në një komunikim me median tha se në listat e zgjedhësve, kryesisht në kryeqytet ka dublime të qarta dhe të fshehta.
Po ashtu PS-ja thekson se në listë ka familje që në realitet nuk ekzistojnë, por që në listën e zgjedhësve gjenden me shumicë. Sipas Subashit, në Bashkinë e Tiranës ekzistojnë 5300 dublime, të cilat duhet të rregulloheshin nga gjendja civile, por që një gjë e tillë nuk ka ndodhur.
“Në listë përveç dublimeve të qarta ka dhe dublime të fshehta. Ne kemi mundur t`i zbulojmë ato. Po ashtu në listë, persona të caktuar kanë ndryshuar një element të identitetit të tyre”, u shpreh deputeti socialist.
a.q/NOA
