Tiranë, 29 korrik, NOA – Një 33-vjeçar është ekzekutuar orët e para të mëngjesit të sotëm në kryeqytet. Viktima është Sokol Sami Doçi, banues në Tiranë. Ngjarja ka ndodhur rreth orës 01.15’, në rrugën “Shyqyri Ishmi”, prapa shkollës 9 vjeçare “1 Maji” në Tiranë.
Dyshohet se vrasja është bërë më një pistoletë të kalibrit 7.65mm. Policia ka gjetur në vendngjarje 8 gëzhoja të këtij kalibri. Ndërkohë që kanë nisur hetimet për zbardhjen e plotë të ngjarjes dhe për gjetjen e autorëve.
Policia e Tiranës njofton se pas sinjalizimit, Oficerë të Policisë për Hetimin e Krimeve të Rënda, Ekspert Kriminalist, të cilët bënë të mundur sigurimin dhe kqyrjen e vendit të ngjarjes, duke mbledhur dhe administruar provat.
Për zbardhjen e plotë të saj është ngritur një grup i posaçëm hetimor, të cilët po kryejnë procedurat e marrjes në pyetje e veprimeve të tjera hetimore dhe proceduriale.
a.k./NOA
